时代广场举办嘅《星球大战》大型展览会认真架势！开幕礼除咗邀请到群星出席外，仲大放烟花，如此隆重其事，即刻带大家睇吓有乜睇！

徐濠萦、郑希怡、郑融、刘威煌、徐肇平、王梓轩、杨天经、何猷启、刘美君、关楚耀、邝袓德、邹文正、黄俊豪均有出席。

于露天广场，有以乐高积木以20：1嘅比例砌出各款《星战》模型嘅大型展览，由经典反抗军战机Snowspeeder到即将上映电影《星球大战: 原力觉醒》会出现嘅X-Wing战机都有，另外仲有14个代表光明及黑势力，仲有第7集嘅最新角色模型，行过见到都觉得震憾，星战迷记得带定相机啦！

Hot Toys 1:6千岁鹰巨型场景布置

行上二楼，就会见到由知名珍藏人偶品牌Hot Toys製作嘅1:6比例《星球大战:原力觉醒》Jakku星巨型场景布置，此为亚州最大型及全球首度曝光！当中佔地8米(长)、5米(阔)、1.2米(高) ，《星战》迷唔驶上宇宙都可以一睹仿真度高嘅战船－千岁鹰(Millennium Falcon) 及神秘组织First Order运兵船(Transporter)外，更可以见到超过30只嘅First Order Stormtoopers，型喎！

同场加映，有《星球大战:原力觉醒》主要角色嘅1：1真人原大模型展出，即场睇到第七集嘅最新角色造型，企埋去影相，都觉得自己係其中一员！

开放日期：11月25日至

开放时间：上午10时至晚上10时

展出地点：时代广场露天广场及二楼大堂

《星战》光暗两派侵略GOOGLE

想随时随地都加入到《星战》? Chrome一众用家有福了！GOOGLE 同Star Wars 推出“Awaken The Force Within“（唤醒内在原力）嘅project。一进入页面，用家即可选择阵营，即光派（Light Side）或暗派（Dark Side），拣好阵营后，Google嘅相关版面就跟返所选阵营嘅主题。

呜，小编终于可以光明正大企喺暗派啦！

其后，Google相关嘅服务及程式如Youtube、Gmail、Google Map、Google Translate 等会受到有关阵营嘅「侵袭」，而变成阵营设计，内藏惊喜！

小编留返个「加入阵营」嘅惊喜畀各位《星战》迷，注意！以上呢几个服务都小编推荐大家係「加入阵营」后必试嘅服务！

Google x Star Wars :”Awaken The Force Within”

网站

 

讲到明加入《星战》，无把激光剑点得吖？玩具反斗城近期引入咗《星球大战》嘅代表物－光剑（Lightsaber）糖果，暂时只见到有最经典嘅红、绿二色，不过照杀啦！带去圣诞派对玩，一定够哂闪够哂爆呀！